انا مش اسفه يا ريس

بس في الاول احب انوه ان مش انا الي كاتبه الموضوع ده ده حد من اصدقاء الفيس بوك شبكه واحده حتسقطنا كلنا وربنا يستر 

أنا مش آسفة يا ريس

:D:D

أنا عارفة إن الموضوع يمكن يبقى مش فى وقته

بس زى أما إنتوا عارفين

إنى بقالى شهر و نص مش بدخل على الفيس



فكل أما أفتح الريكويستات اللى أصحابى بعتوهالى فى غيابى

ألاقى أصحابى ضايفينى فى جروب

إحنا آسفين ياريس

معلش يا ريس إحنا عيالك و سامحنا


و حاجات كتيرة من هذا القبيل ^^

طيب أنا هنزلكم موضوع أنا كتباه بالظبط يوم

March 27, 2010

يعنى سنة إلا كام يوم

اقروه و قولوا لى آسفين من أى إتجاه؟؟

أنا عن نفسى إذا كنت هبقى آسفة..فأنا آسفة على الإعلام المصرى الساااااااااااذج..اللى مش فالح فى اى حاجة

ما عدا بعض القنوات المحترمة اللى ليها إعلام يحترم

آسفة على شعب كل أما تقول له ده الرئيس عمل كذا و كذا

يقولك كفاية إنه صاحب أول ضربة جوية

يبقى على رأى يوية صاحبتى

إننا نشترط فى الرئيس القادم إنه يبقى مش ليه علاقة بالضربة الجوية

علشان ما يذلناش بيها !!!!!

عامة ده الموضوع أحب إنكم تقروه و نتناقش ما بين مؤيد و معارض بكل إحترام

و مش نعمل زى اما عملنا فى التعديلات الدستورية اللى نعم بقوا يقنعوا لا و العكس و فى الآخر مشينا بمبدأ

اللا قرار !!!!!


مش عارفة ابتدى بإيه و للا بإيه....نخلينا فى اللى بينقط ع بسيط
:)
و هو إعلان كده من ضمن الإعلانات المستفزة...و اللى بتوضح اد ايه الإعلام مستهيف عقلنا كمصريين
و اللى بيبين أد ايه ان الناس شايفانا شعب فاضى فاضى يعنى مش أى كلام

ال ايه خير اللهم اجعله خير ^_^

مصر من النهاردة هتختار طعم الشيبسى بتاعها...و افرحوا يا شباب مصر ههههههه

فإحنا طبعا المفروض بقى ندخل علشان نعمل فوت للطعم بتاع شيبسى الجديد...بطعم السمك أو الجمبرى أو الفول أو الطعمية...دى كلها من ضمن الاختيارات و غيره بقى

لو جينا اتكلمنا ع السمك :)
يعنى مثلا الناس العظيمة اللى ربنا يديها الصحة و يبارك فيها اللى بتحضر محاضرات...كانوا زمان أما يزهقوا من المحاضرة يطلعوا شيبسى كده فى الخباثة و ياكلوه كان آخر تطوراته يبقى بطعم الجبنة المتبلة و طبعا عادى هو الدكتور هيعرف منين؟؟؟؟

انما دلوقتى بقى اما نفس الناس دى تدخل بشيبسى بطعم السمك...يبقى ايه؟؟؟يبقى مش بس الدكتور هو اللى هيعرف...ده الوطن العربى كله هيبقى متابع هههههههههههه

الدكتور:انت يا دكتور بتاكل فى المحاضرة؟؟؟تعالى لى هنا

الطالب:و الله يا دكتور أنا كنت حطه قدامى بس

الدكتور:شيسى !!!طيب مفيش كده واحدة للدكتور؟

الطالب:هو حضرتك فطرت الأول يا دكتور؟؟
الدكتور.:لأ...هو لازم يعنى؟؟؟
الطالب:أيوة يا دكتور أصله شيبسى مش أى أى ده بطعم السمك...يعنى عازمك من الآخر يا دكتور ع عزومة انما ايه؟؟أوعى وشك
الدكتور:امممممممم
حضرتك بقى فاكر نفسك قاعد لى فى القناطر الخيرية ؟ههههههههههههه
اطلع بره يا باشا و سيب الكيس هنا يمكن نلاقى زميل آخر جايب لنا باقى المستلزمات..طحينة بالزبادى ع رز أحمر و ده كله من خير شيبسى مصر :)
و طبعا هينتهى الموضوع للطرد بإذن الله

ثانيا شيبسى بالفول و الطعمية...يعنى خلاص بقى الشعب المصرى غرقان فى الشيش طاووق و الألجريك و الفراخ البانية و المكرونة و الكبسة المصرى
و ياعينى واحشه طعم الفول ؟؟؟و للا يكون الفول اللى قصدها عليه شيبسى مش الفول اللى الشعب عارفه
!!!!!!!!!!!!!!!
يا عالم :)
الخلاصة...كفايانا تفاهة بقى

نيجى للى ينقط أكتر بقى...ركلنا عارفين و بنسمع ان الشباب مش لاقى شقق
صح؟؟؟؟؟؟؟؟؟
بسم الله ما شاء الله فيه قرية اسمها العنانية بدمياط المفروض انها تساهم فى توفير الشقق
و مشروع لكذا عمارة و كده
اتكلفت 40 مليون...يزيدوا آه...يقلوا لأ
مالها بقى...جابوها فى التليفزيون و أنا قاعدة بقى مستنية اشوف بقى شقق الاحلام زى اما بيقولوا
لقيت كده مجرى مائى...قلت بس...حاجة آخر جمال و شكلها ع النهر و الشباب مبقاش ليه حجة

تصدقوا ...طلعت مش فاهمة حاجة..و طلعت الماية دى ماية صرف صحى...يعنى الشاب من دول و طبعا البنت اللى اختارها يبصوا من البلكونة بدل اما يشوفوا منظر طبيعى... ولاد بيلعبوا فى الشراع ..محل مثلا..بيشوفوا مياه الصرف الصحى ل 80 مليون مصرى ههههههههههه
ايه الصباح الجميل ده:)
كتر خير القرية اصلا انها وفرت عمارات...هو الشباب هيتأمر؟؟؟؟؟؟؟؟
بعد كده جيت أشوف العمارات بقى...كل عمارة مايلة ع العمارة اللى جنبها
ليـــــــــــــــــــــــه؟؟؟؟
بتوشوشها..و انتوا مالكوا؟ههههههههههه...لأ بجد يا جماعة يعنى ليه العمارات مايلة كده..خير فيه حاجة؟؟؟ أنتوا مش بتفهموا...؟؟
عمارة حابة تقول لعمارة عن حاجة عن العمارة اللى قصادهم..حرام و للا حرام؟؟؟
أصل بعيد عنكم و عن عماراتكم...العمارة دى كانت ماشية مع العمارة اللى وراهم لوش الفجر...فياعينى طلعت عليها سمعة
و انتوا عارفين بقى العمارات اما بتمسك ع بعضها ذلة هههههههههههههههه
و ال ايه 40 مليون و العمارات مايلة امال لو كانت ع الصراط المستقيت كان هيتصرف عليها كام؟؟؟؟؟؟
و يا عينى الناس خايفة تسكن !!!!!!!!

ده غير 700 فدان من الأراضى الزراعية غرقتها مياه الصرف الصحى...يرضى مين ده؟؟؟؟؟؟؟

لا تعليق :((

اللى ينقط أكتر بقى
واحد من الوزراء المحترمين بيقول ان حوالى 8 و نص مليون واحد فى مصر خرجوا من نطاق الفقر

نسبة جميلة جدا
بس بعد اما خرجوا من الفقر راحوا فين؟؟؟؟ ده سؤالى؟؟؟؟؟
أكيد ع المقابر..ماهو لو العدد ده خرج من نطاق الفقر أمال اللى بنشوفهم فى العشوائيات دول يبقوا ايه؟؟؟؟؟؟؟؟؟
لأ و الوزير بطرس غالى يقولك انا نفسى الشعب يفرق ما بين حاجتين
الفقر النسبى و الفقر المطلق
أيوة حضرتك يعنى ايه الفرق..ممكن توضح؟؟؟؟؟؟؟
سيادته يرد و يقولك ان احنا اما نقارن نفسنا من قبل كده هنلاقى تحسن بس مانجيش بقى نقارن نفسنا بالدول التانية و نقول مفيش تحسن؟؟؟؟
ده يكفى ان كل بيت دلوقتى بقى فيه تليفزيون و كمبيوتر ع الاقل

يا سلااااااااااااااام؟؟؟؟؟؟لا و الله؟؟؟؟؟؟
ده بإعتبار انك انت يعنى اللى جيبهم لينا من مرتبك الشخصى يعنى و للا ايه؟؟؟؟؟؟؟

لو كده بقى أنا مضطرة أقعد مع بابا فى جلسةخاصة علشان أعرف هو جابلنا الأجهزة دى منين؟؟؟بطرس غالى رشاك بكام يا بابا؟ههههههههههههههه

كله كلام فارغ و عمالين يسكتوا فى الشعب مش عارفة لغاية امتى
!!!!!!!!!!!!!!!!

حاجة أحلى بقى...
مشروع ابنى بيتك يا بن بلدى
ماله هو كمان
؟؟؟؟

فيه قطاع طرق...يعنى ايه؟؟؟
يعنى كل خطوة و الحمد لله بفلوس

و خير برضه؟؟؟العمال بيدفعوا 10 جنيه حق برميل الماية اللى بيستخدموه فى البناء و خلط الأسمنت و كلام من ده
ليــــــــــــــــــــــــه؟؟؟

للأسف مفيش إجابة :((

نسينا اللحمة: مالها الهانم دى كمان؟ههههههههه

نسيت أقولكوا ان مصر بتستورد لحمة من الهند..و اكتشفوا ان اللحمة الهندية فيها طفيل مش فاكرة اسمه
طوله من 1 الى 7 سم
بس ماتخافوش يا جماعة
الطفيل ده بيموت فى الغليان...يعنى أما تيجوا تاكلوا اللحمة هتبقى الطفيليات دى ميته مش صاحية مش تخافوا خالص ههههههههههههههه
طيب دى دخلت مصر؟؟؟؟
بيقولوا لأ
بس أنتوا بتقولوا ايه بقى؟؟؟

آآآآآآآآآآآآآآآآآآآآه :)

أخر حاجة بقى علشان أعصابى...جزيرة الوراق تعداد السكان فيها 70000
بأربع أصفار مش تلاتة

مش عندهم حاجة اسمها مجارى
أمال الصرف الصحى بيروح فين؟؟؟؟؟؟؟

آه ما أنا نسيت أقولكوا أنها تطل ع نهر النيل ههههههههههههههههههه

نهر النيل شريان الحياة...شريان ايه بقى ووريد ايه
خلونا ساكتين :)

انتظرونى بقى المرة الجاية بخصوص المعاشات اللى بقت بالفيزا كارت ^_^
و الواحد من دول لا عارف الفرق ما بين كابينة موبينيل و ما بين ماكينة الفلوس
خلونى ساكتة برضه هههههههههههه

كان معكم أنا..و أعوذ بالله من كلمة أنا :)
من أمام كمبيوتر بطرس غالى
هههههههههههههههه
و السلام عليكم :)


ملحوظة:

الموضوع و لا حاجة بالنسبة للغم اللى كان فى البلد..ده بالمصرى كده
واخدة الحاجات اللى على الهامش
فما بالكم بقى لو دخلت جوه شوية؟؟؟

سنة و مفيش أى حاجة إتصلحت..فما بالكم بقى ب 30 سنة؟؟؟


وزي ما قلت ده مش بتاعي ده بكي بورد فدوى ابراهيم