العلمانيه !!! انا بستغرب اوي الناس الي عايزينها علمانيه انا اعرف ان العلمانيه دي اتعملت عشان السيطرة السلبيه بتاعة رجال الدين في العصور الوسطى وانهم كانوا بيقفوا قدام العلم بحجة انه جن وحاجات غريبه لذلك قرروا فصل الدين عن الدوله نهائي بس الاسلام مش كده الاسلام بيحس على العمل والعلم والكفاح والانتاج ده يكفي انه كان اكثر وقت كنا متقدمين فيه كانت تعاليم الاسلام منتشره اكتر من دلوقتي وساعتها عملوا العلم والاساسيات الي اوروبا اخدتها مننا
بيقولوا ان العلمانيه كانت في الاول ان الدين حاجه وحياتك كلها حاجه تانيه يعني ممكن تعمل اي حاجه في سبيل التقدم حتى في شخصيتك وده سبب انتشار العلاقات الغير شرعيه في امريكا مثلا دلوقتي(وعلى فكره ده مسبب مشاكل كتيره وتقريبا قتل مفهوم الاسره هناك ) وبعدين جم قالوا لا في العلم بس
بس يا جماعه الاسلام بيحث على العلم (اطلبوا العلم ولو في الصين , اطلبوا العلم من المهد الى اللحد ) و بيحث على المعاملات الكويسه انا مش فاهمه الرفض في ايه عشان الاقباط !! ده الاسلام اصلا بيوصينا بيهم واننا نحسن معاملتهم
انا مش بتكلم من دماغي عندنا مثال حي شوفوا تركيا لما كانت اسلاميه في الاول كانت ايه ؟متقدمه! صح وبعدين دخلت في جهل وتأخر لما بقت علمانيه ورجعت تتقدم تاني لما اردوغان الي ميوله اسلاميه مساكها يبقى ايه ؟؟؟!!! يبقى لازم نفكر في مصلحة مصر الي هي مصلحتنا
اه في كمان يقولك دي مش انسانيه دول ممكن يقطعوا ايد السارق محسسني ان مصر كلها حراميه انا مش فاهمه يعني وبعدين اتقالي عشان يطبق حد السرقه المفروض فيه عشر شروط يعني لو فقير محتاج وسرق مش نقيم عليه الحد ده في سنه عمر بن الخطاب مطبقش فيه القانون ده عشان كان فيه مجاعه انا مش بدافع عن قضيه او متمسكه برأي انا بس بفكر مش اكتر
خلاص احنا ممكن نقول دولة مدنيه ذات مرجعيه اسلاميه بس كده وده من وجهة نظري
وفي النهايه احب اقول حفظ الله مصر والشعب المصري :)
